Skip links

Ama fa hrin puangsualtu jail-ah kum 21

A thu mil tura milem remchang dah

 


Aizawl: Lawngtlai district khaw pakhata mipa kum 46 chu ama fa hrin ngei pathum, kum tlinglo lehnghal a lo puangsual ṭhin avangin court-in kum 21 lungina tang tur leh Rs 10,000 chawi turin a hrem.

Nikum lam khan chhungkaw pa ber hian a fanu te pathum, kum 12 mi, kum 10 mi leh kum 7 mite chu an nu awm loh hlanin a lo puangsual ṭhin tih hriat chhuah a ni a.
Pawngsual tawk naupang pathumte hian an nu hnena tum ṭhum an sawi hnuah August 5, 2022 khan Lawngtlai police station-ah FIR thehluh a ni a, a hnu August 9-ah police te’n pa ber hi an man ta a ni.
Vanlalenmawia, District & Sessions Jugde, Lunglei Judicial District leh Special Judge (POCSO) ni bawk chuan thuhretue koh vek an nih hnuah section 506 IPC leh section 6 POCSO Act, 2012 hnuaiah thiamloh a chantir a.
Thawhṭanni (October 23, 2023)-ah hearing neih a ni a, convict aiawha ding ukil chuan hremna nep thei ang ber pe turin court chu nasa takin a ngen a. Court chuan section 6 POCSO Act hnuaiah kum 20 tang tur leh section 506 IPC hnuaiah kum khat tang turin a chungthu a rel ta a ni. Hei bakah hian court chuan Rs 10,000 chawi turin a hrem bawk a; he a pawisa chawi tur hi a pek theih loh chuan ni 20 dang a tan belh ang.
He thubuaia thiamloh chang hi Chin National Army-ah te pawh lo ṭang tawh nia hriat a ni a, a nupui hi Bru hnam nia sawi a ni.
He thubuai ziah luh kawngah hian Lawngtlai CWC te pawngsual tawktu leh an nu ber hi nasa takin an pui nia sawi a ni.
This website uses cookies to improve your web experience.
Home
Zoram Chronicle
Subscribe
Facebook