Skip links

Kuki People’s Alliance in Manipur sawrkar an thlawpna hnuk dawk

KPA MLA pahnih Kimneo Hangshing leh Chinlunthang

Aizawl: Kuki People’s Alliance (KPA) chuan vawiin Pathianni (Aug 6) khan Manipur BJP sawrkar an thlawpna chu an hnuk dawk.
“Tun Manipur buaina kal mek kan thlir hian, Manipur sawrkar N Biren Singh kaihhruai thawh ho pui hi awmzia awmin kan hre tawh lo va, chuvang chuan KPA in Manipur sawrkar a thawhpuina chu vawiin hian a tawp tih kan puang e,” tiin KPA chuan thuchhuah siamin an sawi.
KPA hi 2022 Manipur Assembly inthlan hma lawka din kha niin, bial hnihah hnehna an chang a, an MLA pahnih Chinlunthang (Singat bial) and Kimneo Haokip Hangshing (Saikul bial) te chuan BJP kaihhruai sawrkar hi an thlawp a ni. 
Seat 60 awmna Manipur Assembly-ah hian Zofa MLA 10 an awm a, pasarih chu BJP niin, pahnih chu KPA an ni a, a dang pakhat chu Independent MLA an ni.
Heng BJP MLA pasarih – Nemcha Kipgen (Kangpokpi bial), Letpao Haokip (Tengnoupal bial), Ngursanglur Sanate (Tipaimukh), LM Khaute (Churachandpur), Letzamang Haokip ( Henglep), Paolienlal Haokip (Saikot) leh Vungjagin Valte (Thanlon), leh Independent MLA Haokholet Kipgen (Saitu bial) leh KPA MLA pahnih te hian Manipur lak aṭanga rorelna hran phutna lehkha-ah hming an lo ziak vek tawh a, June thla khan Manipur Assembly chuan showcause notice a lo pe tawh nghe nghe a ni.

This website uses cookies to improve your web experience.
Home
Zoram Chronicle
Subscribe
Facebook