Skip links

Meitei hoin ralthuam an ru leh ta

Meitei nu thinrimin sipai  a kawk

Aizawl: Manipur-a Zofate thah chimih vek an tumna kal zelah Ningani (July 3) zan khan Meitei misual rualin Bishnupur district-a Indian Reserve Battalion (IRB) camp chu bei thutin, a vawi engemaw zatna atan sawrkar silai leh a mu engemaw zat an ru chhuak leh ta.

2nd IRB quarter master O Premananda Singh-a’n Moirang police station-a complaint a thehluha a ziah dan chuan mi 500 vel motor 40 vela chuang te leh kea kal te’n zan dar 9:45-ah camp hi rawn bei thutin silai leh a mu tam tham tak an la chhuak a ni, a ti.

“Kawngkhar pui pahnih an ti chhia a, chumi hnuah Kote (armoury)-a mi ralthuam chu an la chhuak a…anmahni lo beih let nan hian silai mu 320 leh tear gas shell 20 kah chhuah a ni,” tiin a ziak.

Silai mu chuti zozai kap chhuak si chu thi leh hliam an awm thu sawi a ni lo thung.

Quarter master-in a report dan chuan AK rifle pakhat, INSAS rifle 25, Ghatak rifle pali, INSAS LMG panga, MP-5 rifle 5, hand granades 124, SMC carbine 21, SLR 195, 99 MM pistol 16, detonator 134, GF rifle 23, 51mm HE bomb 81 leh silai mu 19,000 an ru chhuak a ni.

May 3-a buaina a chhuah hnuah Meitei ho hian silai 4,000 vel leh a mu 500,000 vel zet an ru chhuak tawh a. Heng an ralthuam ruk chhuah aṭang hian silai 1,000 vel chuah hmuh let a la ni.

Hetih lai hian nimin (July 3) vek khan Meitei nu ho Lamka (Churachandpur) lam pan luih tum leh Assam Rifles and Rapid Action Force te an innek a. Security force lam hian hnawh darh nan tear gas shell an kap a, Meitei nu 30 velin hliam an tuar. 

This website uses cookies to improve your web experience.
Home
Zoram Chronicle
Subscribe
Facebook