Skip links

Run dalah Manipur Assembly monsoon session

 

By Nirendra Dev

New Delhi: Vawiin khan run dalah Manipur Assembly Fur Thutkhawm chu neih a  ni a, minute 10 chauh a awh.

He ni-khat-awh Fur Ṭhutkhawm hi Opposition au bengchheng leh Kuki-Zo MLA 10 in an boycott bawk si na karah minute sawm chhung chauh neih a ni. Naga MLA 10 te erawh chu he session-ah hian an tel ve a ni.

Session ṭan a nih phat aṭangin Opposition member-te an au bengchheng nghal a, engmah tih hleih theih a nih loh avangin minute 10 vel awrh an nei chauh tihin Speaker-in a adjourn ta a ni.

Congress MLA te chuan Manipur buaina sawiho turin ni nga tal neih an phut a, mahse ni khat chauh awh tura Governor in a koh a ni a, chhunzawm a nih a rinawm loh.

Constitution chuan Parliament leh Assembly hi thla ruk dana ṭhukhawm ngei turin a phut a. Hetia minute 10 chauh pawh ni se, an ṭhutkhawm ve hram hian chief minister N Biren Singh-a sawrkar chu paihthlak a nih theihna tur lakah a chhanhim a ni.

Manipur Assembly-ah hian seat 60 awmin, chung zinga 40 chu Meitei an ni a, 10 hi Zohnahthlak (Kuki-Zomi-Hmar) niin a dang 10 te chu Naga an ni.

Tarlan tawh angin, Kuki-Zo MLA sawm te chuan an tan session chhim tura kal ngam a ni lo, tiin session hi an boycott a ni.

This website uses cookies to improve your web experience.
Home
Zoram Chronicle
Subscribe
Facebook